Sumt av tí, sum løgmaður førdi fram í ólavsøkurøðuni, kunnu vit taka undir við, men har var eisini nógv, sum eg saknaði. Tað sigur Aksel V. Johannesen, formaður í Javnaðarflokkinum um røðuna, Bárður á Steig Nielsen, løgmaður, helt fyri Føroya Løgtingi, og Føroya fólki, tá ið Løgtingið varð sett ólavsøkudag.
Honum dámdi væl, at løgmaður tók útgangsstøði í avrikunum hjá rógvaranum, Sverra Nielsen, men hann heldur, at løgmaður legði ov stóran dent á at gera alt var eina kapping.
– Tilveran er ikki tann bera kapping. Í eini kapping eru fáir vinnarar og nógvir taparar og tað er ikki ein máti at byggja samfelagið upp uppá, heldur Aksel V. Johannesen.
Hann tekur undir við nøkrum av málunum, sum løgmaður tók upp í løgmansrøðuni – serliga tí at tað er Javnaðarflokkurin, sum eigur nøkur av teimum.
Annars saknar formaðurin í Javnaðarflokkinum, at løgmaður eisini greiddi frá, hvat landsstýrið ætlar á týdningarmiklum økjum, eitt nú við Sev og í málinum um gongd í haga.
– Í Javnaðarflokkinum eru vit av teirri sannføring, at privatfólk eiga at hava rætt til at fara í hagan, uttan at rinda fyri tað. Men vit halda eisini, at bøndur kunnu krevja eitt gjald frá ferðavinna, og aðrari vinnu. Og Portrið í Saksun eigur at verða tikið burtur alt fyri eitt.
Trýst á pílin niðan fyri og hoyr Aksel V. Johannesen siga sína hugsan um røðina hjá løgmanni
##med2##
