Tað váttar formaðurin í Føroya Handverkrafelag, Suni Simonsen, fyri útvarpinum.
Hann sigur, at arbeiðarafeløgini ynsktu, at handverkararnir fóru í samhugaverkfall í tríggjar dagar ella meira.
– Men tað ber als ikki til, tí vit hava ikki heimild til tað, sigur Suni Simonsen við útvarpið.
Arbeiðararfeløgini hildu tað ikki nytta nógv, um handverkarar bara fóru í 24 tíma samhugaverkfall við 48 tíma fráboðanarskyldu, tí ynsktu tey, at handverkarar fóru í samhugaverkfall í fleiri dagar.
Sáttmálin hjá handverkarunum er úti 1. mai næsta ár. Gongur sum tað plagar, so fáa handverkararnir tað sama prosenttalið oman á lønina, sum arbeiðarafeløgini fáa, at verkfallið er av.
