Samtakið hevur fleiri ymisk forrætningsøki og hevur fyri roknskaparárið, sum endaði í 2019, havt ein umsetning upp á 34,7 milliardir krónur, meðan yvirskotið fyri skatt var 3,7 milliardir.
Tað er ein desiaml størri enn árið fyri, tá yvirskotið varð 3,6 millardir krónur.
Eftir at Lars Larsen doyði í august í fjør yvirtók familjan 99 prosent av ognarlutinum í Lars Larsen Group, og tað er sonur hansra, Jacob Brunsborg, sum er nevndarformaður.
Tey flestu seta helst handilsveldið hjá Lars Larsen í sambandi við ketuna Jysk. Lars Larsen Group eigur eisini nógv onnur handilsvirki, haðani yvirskotið stavar, so sum hotel og golffelagið Himmerland Golf & Spa eins og sushi-ketuna Letz Sushi.
Í tíðindaskrivið um roknskapin verður dentur lagdur á Actona Company, sum ger modernaðar møblar, SengeSpecialisten, og Scancom, sum framleiðir uttanduarmøblar, fyri batan í roknskapinum.
Yvirskotið hjá Jysk er hinvegin versnað.
– Av tí at vit hava gjørt stórar íløgur, var yvirskotið hjá Jysk heldur minni enn árið fyri, sigur Jacob Brunsbog í tíðindaskrivinum.
Lars Larsen Group stríðst eisini við at fáa betri úrslit í eitt nú Himmerland Golf og Spa Fresort eins og Letz Sushi.
– Hóast metstóra inntøku, so eru framvegis felgø, sum geva negativ úrslit, sigur Jacobn Brunsborg í tíðindaskrivinum.
Tí hava vit í síðsta roknskaparári framt munandi íløgur í eitt nú Himmerland Golf & Spa Resort og Letz Sushi.
– Tí vænti eg eisini, at vit fara at síggja betrið úrslit longu í hesum roknskaparárinum.
FAKTA: Lars Larsen Group er meira enn bara Jysk
Lars Larsen savnaði saman handlar við seingjarklæðum, møblum og ein golfbana í sítt handilsveldi.
Í langa handilslívi ´sinum bygdi Lars Larsen upp eitt savn av ymsum handlum og ketum við Jysk sum miðdepli.
Øll eru savnað í Lars Larsen Group, sum familjan í dag eigur og stýrir. Sonurin Jacob Brunsborg er nevndarformaður.
Lars Larsen doyði 19. august 2019 71 ára gamal.
Her eru nøkur av merkjunum, handlunum og feløgunum, sum eru í Lars Larsen Group:
* Jysk-ketan – eisini Dänischen Bettenlager, sum tað eitur í Eysturríki og Týsklandi.
* Ilva.
* Bolia.
* SengeSpecialisten.
* IDdesign.
* Himmerland Golf & Spa.
* Letz Sushi.
* Hotel Ferdinand.
* Leasingselskabet Solid Leasing.
* ScanCom, sum framleiðis uttanduramøblar.
* Actona Company, sum framleiðir modernaðar møblar.
* Backtee, sum ger golfklæði.
* Garia, sum ger golfvognar.
* Schou, sum framleiðir ymiskt til køkin og urtagarðin.
* Tilsamans hevur samtakið ein árligan umsetning upp á 34,7 milliardir krónur.
Kelda: Lars Larsen Group.
/ritzau/
