Norska veðurstovan www.yr.no sigur ikki frá besta valveðri komandi leygardag. Tað verður eftir øllum at døma regn, vindur og ráligt veður. Henda norska veðurstovan hevur útgerð sum kann lýsa veðrið í Føroyum fleiri dagar fram.
Sambært metingum, sum tey veðurkønu hava gjørt, verður nakað av avfalli og vindi allan valdagin. Hitin fer at liggja millum 5 og 8 stig.
Náttina til valdagin, tá mong plaga at handa valplakatir upp verður helst regn og 14 metrar um sekundið av landsynningi. Sama veður verður fyrrapartin, tá tað eisini verða 5 stig.
Eftir døgurða snarar hann í ein útsynning, hann minkar vindin og avfallið nakað, meðan hitin hækkar upp í 8 stig. Sama veðrið verður eftir kl. 18, tó lækkar hann hitan niður í 6 stig.
Hinvegin lovar hann betri veður og heldur meiri vind sunnudagin. Um morgunin kemur sólin so líðandi fram, og seinnapartin verða sólarglottar, samstundi sum hann hækkar upp í landnyrðing. Hitin verður allan dagin um seks stig.
Men sum altíð ? tað er trupult at spáa, serliga um veðrið! Kanska fáa vit kortini gott veður leygardagin.
