- Vit vita ikki ítøkiliga, hvussu nógvir av gíslunum eru livandi ella deyðir, dripnir í álopum ella deyðir av svongd.
Tað sigur Bassen Naim, sum situr í leiðsluni hjá Hamas, og hetta sigur hann við tíðindastovuna, AFP.
Hann vísir á, at gíslarnir verða hildnir aftur av fleiri bólkum ymsastaðni í palestinskum øki.
Bassen Naim hevur áður verið heilsumálaráðharri í Gazageiranum, og hann heldur, at ein vápnahvíld er neyðug.
- Hon er neyðug fyri at vit kunnu finna út av nøvnum, tali av gíslum og fyri at staðfesta, um gíslarnir eru livandi ella deyðir, leggur hann aftrat.
