- Vit meta nú um uppskotið til vápnahvíld og eru opin fyri loysnum, sum kunnu fáa ein enda á álopunum móti Gazageiranum.
Tað sigur politiski leiðarin í Hamas, Ismail Haniyeh, sambært tíðindastovuni, NTB.
Ísrael hevur seinastu dagarnar sitið í samráðingum í París saman við umboðum fyri Qatar og Egyptaland.
Hetta er í einari roynd at fáa í lag eina avtalu millum Hamas og Ísrael um vápnahvíld og leyslating av gíslunum.
- Hamas metir nú um eitt uppskot til vápnahvíld og býti av fangum millum stríðandi partarnar, sigur politiski leiðarin í Hamas, Ismail Haniyeh.
Ismail Haniyeh upplýsir í dag sambært tíðindastovuni NTB, at hann nú fer til Kairo í Egyptalandi at umrøða uppskotið um vápnahvíld.
