Talið av fraklendingum, sum Hamas beindi fyri, tá lopið varð á Ísrael herfyri, er nú komið upp á 24.
Tað sigur forsætisráðharri landsins, Élisabeth Borne. Talið av deyðum, sum áður hevur verið upplýst, var 21.
Forsætismálaráðið í London sigur sambært Sky News, at sjey bretskir ríkisborgarar lótu lív í Hamas-álopinum á Ísrael.
Tilsamans 1400 fólk, harav fleiri útlendingar, lótu lív, tá Hamas leyp á fyri hálvari aðru viku síðan.
Tíðindastovan NTB veit at siga, at í Gazageiranum hava 3478 fólk latið lív í ísraelskum álopum, síðan Hamas byrjaði kríggið.
