Tveir dystir í 21. umfari í Betri deildini monnum verða í kvøld. 07 Vestur tekur móti EB/Streymi og B68 fær vitjan av TB. Dysturin á Toftum byrjar klokkan 18, meðan dysturin á Dungasandi byrjar klokkan 18.30.
Fyri B68 og EB/Streym er talan um upptakt til seinnu hálvfinaluna í kappingini um Løgmanssteypið, sum verður sunnudagin klokkan 17 á Svangaskarði. B68 er á odda 3-0 frá fyrru hálvfinaluni, men sundalagsmenn hava rakt málið seinastu tríggjar dystirnar.
Undan vitjanini á Dungasandi í kvøld, hevur EB/Streymur skorað níggju mál í trimum dystum. Tað hevur givið tveir sigrar á AB og ein tepran 3-2 ósigur í Klaksvík móti KÍ.
B68 hevur siglt í tungum sjógvi í landskappingini hvat stigum víðvíkur, men tað loysnaði á Dungasandi farna sunudagin. B68 vann 1-0. Dysturin í dag hevur stóran týdning fyri bæði B68 og TB, sum við einum sigri kunnu slíta seg leysan av niðurflytingarstríðnum.
| Hós. 31. aug. 18:00 | B68 | – | TB |
| Hós. 31. aug. 18:30 | 07 Vestur | – | EB/S |
| Frí. 1. sept. 18:00 | Víkingur | – | AB |
| Ley. 2. sept. 18:00 | B36 | – | ÍF |
| Frí. 15. sept. 18:00 | HB | – | KÍ |
| 1 | KÍ | 19 | 17 | 1 | 1 | 49 | 13 | 36 | 52 | |
| 2 | HB | 20 | 15 | 2 | 3 | 56 | 15 | 41 | 47 | |
| 3 | B36 | 20 | 15 | 1 | 4 | 45 | 17 | 28 | 46 | |
| 4 | Víkingur | 20 | 12 | 3 | 5 | 47 | 20 | 27 | 39 | |
| 5 | 07 Vestur | 20 | 9 | 3 | 8 | 33 | 31 | 2 | 30 | |
| 6 | EB/S | 19 | 6 | 1 | 12 | 21 | 36 | -15 | 19 | |
| 7 | B68 | 20 | 4 | 5 | 11 | 20 | 36 | -16 | 17 | |
| 8 | TB | 20 | 4 | 3 | 13 | 12 | 45 | -33 | 15 | |
| 9 | ÍF | 20 | 4 | 0 | 16 | 19 | 57 | -38 | 12 | |
| 10 | AB | 20 | 3 | 1 | 16 | 16 | 48 | -32 | 10 |
