Hallur Hansson átti eitt av uppleggunum, tá AC Horsens í dag vann 3-0 á Silkeborg IF í 2. umfari í donsku Superliguni. AC Horsens fekk annars eina marrubyrjan fyri viku síðani, tá liðið tapti heili 3-0 á heimavølli móti FC Nordsjælland.
Í dag spældi AC Horsens á nýggja flotta leikvøllinum hjá Silkeborg. Tað gingu bara fýra minuttir, so vóru gestirnir á odda. Hallur Hansson átti avleveringina á tvørs til Michael Lumb, ið smekkaði bóltin í kassan.
##med2##
Síðani økti Nicolai Brock-Madsen til 2-0 miðskeiðis í fyrra hálvleiki, og til 3-0 í seinna hálvleiki. Hallur Hansson spældi allan dystin mitt á miðjuni. AC Horsens hevur nú trý stig og liggur á sjeynda plássi. Komandi dystur verður leygardagin á heimavølli móti FCK.
| NR | Lið | D | V | J | T | ||
| 1 | FCK | 2 | 2 | 0 | 0 | 5:3 | 6 stig |
| 2 | SønderjyskE | 2 | 1 | 1 | 0 | 3:2 | 4 |
| 3 | Brøndby | 1 | 1 | 0 | 0 | 3:0 | 3 |
| 4 | Nordsjælland | 1 | 1 | 0 | 0 | 3:0 | 3 |
| 5 | Lyngby | 1 | 1 | 0 | 0 | 2:0 | 3 |
| 6 | Midtjylland | 1 | 1 | 0 | 0 | 1:0 | 3 |
| 7 | Horsens | 2 | 1 | 0 | 1 | 3:3 | 3 |
| 8 | Hobro | 2 | 0 | 2 | 0 | 2:2 | 2 |
| 9 | AGF | 2 | 0 | 1 | 1 | 2:3 | 1 |
| 10 | Esbjerg | 2 | 0 | 1 | 1 | 1:2 | 1 |
| 11 | AaB | 2 | 0 | 1 | 1 | 1:3 | 1 |
| 12 | OB | 1 | 0 | 0 | 1 | 2:3 | 0 |
| 13 | Randers | 1 | 0 | 0 | 1 | 1:2 | 0 |
| 14 | Silkeborg | 2 | 0 | 0 | 2 | 0:6 | 0 |
