Hetta kappingarárið er nýggjur leistur í bestu fótbóltsdeildini í Danmark.
Nú er grundspælið liðugt, og harvið er funnið fram til, hvørji lið skulu í endaspæl um DM, og hvørji lið skulu í endaspæl fyri at sleppa undan at flyta niður.
Í dag varð tað greitt, hvørji lið skulu spæla í hvørjari kapping.
AC Horsens var í Lyngby, har úrslitið var 1-1. Tað ber við sær, at AC Horsens endaði á sætta plássi, og harvið er tað greitt, at Horsens verður millum tey seks liðini, sum skulu spæla um DM. Hallur Hansson var ikki í Horsens hópinum ídag.
Liðini, sum skulu spæla um DM, eru
Brøndby 60
FCM 60
FCN 50
FCK 44
AaB 36
AC Horsens 35
Jóan Símun Edmundsson var á beinkinum hjá OB, sum vitjaði í Randers. Brandur Hendriksson var á beinkinum hjá Randers.
Kappingarárið hevur verið syndarligt hjá Randers, men í dag eydnaðist tað at vinna 4-1 ímóti OB.
Brandur var alla tíðina á beinkinum, meðan Jóan Símun varð skiftur inn, tá ið tað restaðu sekstan minuttir.
OB endaði á níggjunda plássi og Randers á trettanda plássi og næstaftast.
Tað eru tveir bólkar í niðurflytingarspælinum:
Bólkur 1
Hobro 32
AGF 29
Silkeborg 28
FC Helsingør 20
Bólkur 2
SønderjyskE 31
OB 31
Lyngby 21
Randers FC 20
Í endaspælinum hittast liðini tvær ferðir - á heimavølli og útivølli.
