Í kvøld var Reykjavíkar-klassikkarin í bestu íslendsku fótbóltsdeildini, har Valur tók ímóti Halli Hansson og hinum í KR. Hendan uppgerðin kann í stóran mun samanberast við uppgerðina millum B36 og HB.
Hallur var á vøllinum allan dystin. Hallur og liðfelagarnir vóru fyri einum 1-2 tapi hóast teir fingu eina góða byrjan uppá dystin og løgdu seg á odda 1-0.
Valur 2 - 1 KR
0-1 Kjartan Henry Finnbogason ('18)
1-1 Patrick Pedersen ('45)
2-1 Jesper Juelsgård ('69)
Sambært Morgunblaðnum hevði Hallur í seinna hálvleiki eina góða roynd á málið hjá Vali, ið málverjin hjá Vali bjargaði.
KR er søguríkasta fótbóltsfelagið í Íslandi, og í hugaheiminum hjá KR-unum er tað neyvan gott bara at hava trý stig aftaná fyrstu tríggjar dystirnar í kappingini. Enn eru tó 19 dystir eftir í kappingini.
Komandi leygardag spælir KR heimadyst móti KA.
