Hallur Hansson og liðfelagarnir í KR leiktu javnleik 0-0 móti Keflavík á útivølli í kvøld í dysti í bestu íslendsku fótbóltsdeildini.
Føroyski toppskjúttin hjá Keflavík, Patrik Johannesen var ikki við í hópinum í kvøld.
Sambært Morgunblaðnum hevði Hallur Hansson tíðliga í seinna hálvleiki ein stóran møguleika at stúta bóltin í málið, men málverjin hjá Keflavík bjargaði í stórum stíli.
Móti dystarenda fekk Hallur eitt gult kort fyri eina heldur harðliga takkling.
KR er nummar seks í deildini við 25 stigum. Keflavík er nummar sjey við 22 stigum.
