Stórt hátíðarhald er henda fyrrapartin í Sankta Frans Skúla, eisini nevndur Nonnuskúlin.
Skúlin fyllir 80 ár, og samstundis hevur forskúlin 50 ár á baki. Sostatt er forskulin elsti forskúli í landinum.
Í morgun vóru forskúlabørnini, lærarar, borgarstjórin í Tórshavnar Kommunu og landstýrismaðurin í mentamálum til hátíðarhald í einum av hølunum í forskúlanum.
Undir hátíðarhaldinum fekk forskúlin handað tveir málningar frá ávíkavist Tórshavnar Kommunu og Mentamálráðnum. Harafturat vóru fleiri røður hildnar.
Eisini var tónleikur á skránni, har Kári Sverrisson spældi guitar, meðan forskúlabørnini sungu jólasangir.
Seinni henda fyrrapartin verður stórt morgunmatarborð í fimleikahøllini, har næmingar og lærarar í 1.-7. flokki eru bodnir til morgunmat.
