Á arbeiðaradegnum í dag 1. mai skipar Havnar Arbeiðsmannafelag fyri tiltaki á vaglinum kl 14:30. Umframt røðarar framførir Kári P. nakrar sangir, og Havnar Hornorkestur spælir.
– Arbeiðaradagurin er ímyndin av stríðnum fyri góðum livikorum til allar borgarar og fyri stríðnum um eitt betri og rættvísari samfelag. Arbeiðaradagurin hevur verið hildin síðani seinast í 19. øld. Í dag eru góð 80 lond, sum hava arbeiðaradagin sum almennan frídag, umframt nógv onnur lond, sum halda dagin, uttan at tað er almennur frídagur, sigur Havnar Arbeiðsmannafelag.
Hans Joensen, formaður í Havnar Arbeiðsmannafelag, heitir á fólk um at møta fjølment.
Røðarar eru:
Eyðgunn Samuelsen
Annfinn Brekkstein
John av Reyni
Jóhan Carl Dam, næstformaður í Havnar ArbeiðsmannafelagF
Havnar Hornorkestur spælir, og Kári P. luttekur við sangi
