Hákun og liðfelagarnir taptu greitt fyri oddaliðnum

Hákun West á Teigum skoraði eitt mál frá høgra veingi, og hann var óheppin í onkrum øðrum føri at raka stongina tá lið hansara, Skanderborg Århus tapti greitt fyri suverena oddaliðnum, GOG á heimavølli.

GOG fekk prógvað hví teir hava fult stigatal í bestu donsku hondbóltsdeildini við at vinna greiðan 31-23 sigur á heimaliðnum. Í steðginum var GOG á odda 17-13.

Komandi mánakvøld skuldi ligið betri fyri hjá Skanderborg Århus at fingið stig. Tá spæla Hákun og liðfelagarnir á útivølli móti Mors Thy sum liggur næstaftast í deildini við bara fýra stigum.