Í dag varð arbeiðið sett í gongd at gera nýggja vindmyllulund í Flatnahaganum. Heðin Mortensen, borgarstjóri, setti hakan í nú á middegi til arbeiðið, sum skal verða liðugt næsta heyst.
Talan er um uppseting av 6 Enercon vindmyllum á 3MW, tilsamans 18MW.
Heðin Mortensen, borgarstjóri, segði, at dagurin í dag er ein stórur dagur, tí hetta er onki minni enn ein stórhending.
– Meðan heimsins leiðarar sita niðri í Glasgow og tosa um grøna orku, so gera vit nakað við tað í praksis, segði hann millum annað, sambært torshavn.fo.
J&K Petersen fer undir at gera fundamentini, og komandi summar koma vindmyllurnar eftir ætlan upp at standa. Í heyst skal framleiðslan byrja.
Her eru nakrar myndir, sum Tórshavnar kommuna hevur lagt út á heimasíðu sína.
##med2##
##med3##
