Liðini hjá Áslu Johannesen og Jóhannu Fossdalsá Sørensen leiktu í dag seinastu dystirnar í bestu svensku fótbóltsdeildini hetta kappingarárið.
Ásla var á vøllinum í 63 minuttir, tá hon og liðfelagarnir í Piteå taptu 0-2 (0-1) fyri Hammarby á útivølli.
Jóhanna leikti allan dystin fyri BK Häcken, ið vann stórsigur 5-1 (3-0) á Brommapojkarna.
BK Häcken endaði á øðrum plássinum við 64 stigum. Tær endaðu tó 11 stig aftanfyri meistararnar, Rosengård sum vunnu 25 av 26 dystum.
Piteå endaði á einum sætta plássi við 33 stigum.
Piteå vann tó svensku steypakappingina aftaná finalusigur á júst BK Häcken aftaná brotssparkskapping. Talan var um fyrstu ferð PIteå vann kappingina, so Ásla var við til at skriva søgu.
