Hjá monnum vunnu H71 og Kyndil sínar dystir í dag, meðan kvinnurnar hjá Neistanum enn eina ferð prógvaðu, at tær eru sterkasta liðið í kappingini við tryggum sigri á Kyndil.
H71 var á vitjan í Vestmanna og fór avstað við øllum stigunum. VÍF var annars á odda 15-11 í hálvleikinum, men H71 vendi dystinum í seinna hálvleiki og vann 30-26.
Í høllini á Hálsi var grannauppgerð millum Neistan og Kyndil. Teir grønu úr Kyndil vunnu 27-22, eftir at tað var javnleikur 10-10 í hálvleikinum. Fyri Kyndil var Finnur Hanson toppskjútti við átta málum.
Hjá kvinnum vann Neistin heili 38-26 á Kyndil. Úrslitið staðfestur, at Neistin í løtuni er besta liðið í kvinnudeildini. Liðið hevur framvegis fult stigatal.
Atlantic Airways deildin:
VÍF H71 26-30
Neistin Kyndil 22-27
Fremsta deild kvinnur:
Neistin Kyndil 38-26
