Tað gongur væl í føroyska samfelagnum, og tað sæst aftur í úrslitinum hjá Betri samtakinum.
Tað staðfesta tey í Betri samtakinum, nú tey hava almannakunngjørt úrslitið fyri fyrra hálvár í ár.
Fyrra hálvár 2019 hevði samtakið ein vinning, áðrenn skatt, upp á góðar 177 milliónir krónur.
Úrslitið hjá samtakinum er eitt úrslit av teimum góðu úrslitunum í dótturfeløgunum og góðu gongdini á virðisbrævamarknaðinum, sigur Betri.
Tey siga, at útlánini veksa, samstundis sum at rakstrarkostnaðurin lækkar. Bankin hevur veitt lán um alt landið, og vøksturin er størstur uttanfyri Havnina, siga tey.
Tey vísa eisini á, at hjá Betri Trygging er úrslitið eisini gott, hóast nógvir stórir brunaskaðar hava verið á sethús farna hálvárið. Tilsamans hava tey goldið endurgjald fyri 5800 skaðar.
Betri Pensjón hevur havt vaksandi virksemi við góðum avlopi seinastu árini. Avkastið frá íløguvirkseminum hjá Betri Pensjón, hevur eisini verið gott og í miðal hava viðskiftafólkini fingið eitt gott avkast í fyrra hálvári.
Farna hálvárið hjá Betri Heimi vísir, at enn er sera stórur eftirspurningur eftir ognum í Føroyum, kappingin um at selja hús er tó harðnað, nú fleiri meklarar eru komnir á marknaðin.
Fyrra hálvárið hjá samtakinum í stuttum
Úrslitið áðrenn skatt: 177,4 milliónir
Solvensurin við hálvár: 39,1%
Javnin við hálvár: 12,9 milliardir
Eginognin: 3,2 milliardir.
Fyrra hálvárið hjá dótturfeløgunum í stuttum:
Betri Banki:
Úrslitið áðrenn skatt: 69,6 milliónir
Útlán: 6,3 milliardir
Innlán: 7,7 milliardir
Betri Trygging:
Úrslit áðrenn skatt: 77,2 millónir
Tal á skaðum: 5800 skaðar
Skaðaendurgjald: 121 milliónir
Betri Pensjón:
Úrslit áðrenn skaðð: 9 milliónir
Avkast av íløgum: 81,6 milliónir
Avkast av íløgum í prosent: 6,6%
