Tann 23. apríl í ár vóru 400 ár síðani, at høvundurin, sum av nógvum er sjálv ímyndin av leiklist, William Shakespeare, doyði.
Og tað fara tey at hátíðarhalda við einum forkunnugum leiki á Ólavsøku, sum tey siga, verður helvt um helvt drekkispæl og framúrskarandi.
Summi halda at Shakespeare er heldur háfloygdu, men á ólavsøku verður tað Shakespeare fyri fólkið, siga fyrireikararnir í tíðindaskrivi
Tað er sjónleikarabólkurin, tey kanna Shakespearesystrarnar, sum fara at føra fram og tær siga, at tær hava, bæði lætt og skemtingasamt, samantvinna teir ellivu leikirnar hjá Shakespeare, sum eru týddir til føroyskt.
Shakespearesystrarnar eru Sóley Danielsen, Gunnvá Zachariasen og Kristina Sørensen Ougaard, og tað er Hans Torgarð, sum leikstjórnar leikinum. Og tey siga, at leikurin tekur støði í føroyska áskoðarinum, og er lagaður til tann rætta Ólavsøkuandan.
Leikurin varar í trý korter og verður spælur í Perluni í Tórsgøtu í miðbýnum í Havn fleiri ferðir alla ólavsøkuna.
