Norðurlandahúsið hátíðarheldur í dag tey 30 árini, sum húsið hevur á baki.
Í tí sambandi verður skipað fyri ymsum norðurlendskum tiltøkum í Norðurlandahúsinum í dag frá klokkan 14.00 til á midnátt í kvøld, har øll eru vælkomin.
Norðurlandahúsið fer seinnapartin og í kvøld at vera karmur um millum annað tango, filmsýningar, listaframsýning, mat, storytelling, dans og tónleik.
Til ber at síggja alla skránna fyri dagin og kvøldið við at trýsta her
Í sambandi við hátíðardagin sendir Rás2 beinleiðis úr Norðurlandahúsinum klokkan 15.00-17.00.
Á myndini sæst Sif Gunnarsdóttir, stjóri í Norðurlandahúsinum.
