Sumbiar Kirkja er 120 ár og í hesum sambandi var hátíðarguðstænsta í Sumba sunnudagin 17. juni 2007.
Við vóru prestarnir Patrick de Neergaard, ið hevði guðstænastuna, og Jónsvein Bech og Ólavur Rasmussen.
Tvøroyrar Hornorkestur spældi og Tóra Vestergaard sang. Lars Mensonides hevði urgufylgispælið.
Eisini sang Sumbiarkórið.
Kirkjan var fullsett og barnadópur var eisini partur av stóru skránni, ið var sett saman í samband við dagin.
Eftir hátíðarløtuna í kirkjuni var hildið fram í samkomuhúsinum, har kórið sang og drekkamunnur var at fáa.
