Seinnapartin varð skipað fyri móttøku í Zarepta í sambandi við, at nýggja húsið nú er tikið í nýtslu. Høvið var at síggja allar tríggjar lonirnar og at njóta ein drekkamunn í góðveðrinum.
Í góðveðrinum var ferðslan vestureftir stór, og tað vóru fleiri hundrað, sum nýttu høvi at vitja í Zarepta.
Klokkan 15 til 16 var hátíðarløta í salinum, har tað varð greitt frá, og har 17 sangarar sungu.
Á hesi løtuni vóru nøvnini avdúkað á teimum trimum húsunum, sum eru bygt í 1967, 1978 og so nýggjastu húsini, sum nú eru tikin í nýtslu.
Elstu húsini eita Heimaralon, húsini frá 1978 eita Ovaralon, og nýggjastu húsini eita Niðaralon.
Zarepta hevur skipað fyri navnakapping. Upplýst varð, at nøvnini eru sprottin úr fleiri av innkomnu uppskotunum.
Í gjár varð farið undir aðru familjuleguna í summarskránni.
Myndamaður okkara var seinnapartin í Zarepta:
http://www.in.fo/myndasavn/album/?L=
