Nú er næstan ikki vika, har tað ikki frættist um hópuppsagnir á einum føroyskum virki. Í morgun hevur dapur fundur verið í Kollafirði, nú hevur eisini Bakkafrost og Vestlax samtakið sagt fleiri fólkum upp.
Arbeiðsfólkið á Vestlaxi var boðið til fundar klokkan 10 í morgum og á tí fundinum blivu 22 fólk søgd úr starvi virkinum.
Talan er bæði um mannfólk og konufólk og tey eru allastaðni frá. Nógv teirra eru nýliga byrjað í starvi, men onkur av teimum uppsøgdu hava verið á virkinum í yvir 10 ár.
Á Vestlax hava tey arbeitt í tveimum vaktum og tað er mestsum ein heil vakt, sum er søgd upp.
Eitt av uppsøgdu starvsfólkunum sigur, at tey fingu at vita frá leiðsluni, at tað er ikki nóg mikið av fiski at taka til at hava tvær vaktir til arbeiðis.
