Marathon
Hetta verður, tá Ítróttarfelagið Bragdið skipar fyri kapping í Hálvmarathon leygardagin. Teinurin, sum er 21,1 km langur, byrjar og endar á Bursatanga.
Eisini opin kapping
Umframt, at renningin leygardagin er FM, er hetta eisini ein opin kapping, t.v.s. at øll, sum halda seg til, eru vælkomin at luttaka.
Kappingina hjá monnunum í fjør vann Jonhard Larsen við tíðini 1 t. 19 min. 10 sek., hjá veteranum menn vann Sámal Debes við tíðini 1 t. 24 min. 57 sek., hjá kvinnunum vann Óluva Zachariassen við tíðini 1 t. 55 min. 43 sek. og hjá veteranum kvinnur vann Elsa í Skorini við tíðini 2 t. 36 min. 38 sek.
Í ár verður aftur kappast í fleiri bólkum, menn (f. 1960-1988), kvinnur (f. 1960-1988), og eisini verður kapping fyri veteranar kvinnur og menn, tað eru tey, sum eru 45 ár ella eldri (f. -1959).
Tilmelding
Kappingin leygardagin byrjar kl. 17.00. Tilmelding fer fram á heimasíðuni www.athletics.fo í seinasta lagi fríggjakvøldið 6. mai kl. 20.00.
Startnummar skulu avheintast á Bursatanga í seinasta lagi kl. 16.30. Luttøkugjaldið tá nummarið verður avheintað.
Teinurin, sum skal rennast leygardagin, er á sløttum, so møguleikarnir eru góðir hjá rennarunum at fáa eina góða tíð.
