Manglandi náttúrutilfeingi broytir fokus hjá fyritøkum í Evropa, skrivar Vinnuhúsið á heimasíðu síni. Mangul á náttúrutilfeingi merkir veikari kappingarevni fyri evropeiskar fyritøkur. Hetta hevur havt við sær, at fleiri minni- og millumstórar fyritøkur í Evropa nú seta álitið á øko-innovasjón. Soleiðis er ein av niðurstøðunum í eini Eurobarometur kanning, sum varð løgd fram á evropeiska innovasjónsforuminum í Birmingham í Onglandi hin 22. og 23. mars.
Hetta er avgjørt ein positiv broyting, men tað er neyðugt, at vit flyta okkum frá evolusjón til revolusjón í okkara støðu til tilfeingi. Betri nýtsla av rávørutilfeinginum er avgerandi, sigur ES-nevndarlimurin fyri umhvørvi Janez Potočnik (myndin)
