Gylt høvi at vísa sín opinleika

Fleiri ferðir er víst á, at at­­kvøð­­u­greiðsl­an bara er fyri eitt »lukk­að selskap«. Val­lut­øk­an er sera, sera lág, tí fólk tíma snøgt sagt ikki ta truplu leið at útvega sær at­kvøðu­seðil. Hinvegin hava nøkur fólk so góða atgongd til umsitingina hjá Tryggingini, at tey fáa tey at senda út atkvøðuseðlar til ávísar tryggingartakarar – og soleiðis hava summi fólk framíhjárætt at verða vald.
Ein órættvís skipan, má sigast.
Men fáar fyritøkur í Før­oy­um senda so nógv brøv út til síni við­skift­a­fólk, sum júst Trygg­ing­ar­fel­ag­ið Før­oy­ar, sum nú eisini eigur Eik Banka.
Tí er tað upplagt, at Ogn­ar­fel­ag Trygg­ing­ar­tak­ar­anna – sum er aðalfundurin hjá Trygg­­ing­­ar­­fel­ag­n­um – send­ir út at­køvð­u­seðl­ar til all­ar trygg­ing­ar­tak­ar­ar. Tá verð­ur val­ið púra opið og er­ligt. Einki roks og fjas.