Í morgun hevur nógv rokan verið niðri við bátahylin í Kvívík, har rættiligur uppgangur hevur verið.
Eingin bátur lá í bátahylinum, tá brimið fór at leika í, men bátar, sum hava staðið uppi á landi í fleiri ár, vóru um at skola í havið, tá mest leikaði á.
Fyrrapartin hava menn verið niðri við bátahylin í Kvívík og hava syrgt fyri, at bátarnir eru drignir longur niðan.
Jens Kristian Vang tók nakrar myndir í Kvívík fyri Portalin fyrrapartin.
