Tað verður Gurið Mortensen, sum kemur at standa á odda fyri kvinnuliðnum hjá VB komandi kappingarár. Hjálparvenjari verður Bogi Mortensen, skrivar sudurras.fo.
VB hevði eitt misjavnt kappingarár farna kappingarár. Í landskappingini var liðið ongantíð við í stríðnum um at koma í FM finalurnar, men í steypakappingini vunnu tær pláss í finaluni við seinasta kastinum í seinnu hálvfinaluni móti Stjørnuni. Í steypafinaluni tapti VB liðið tó fyri Neistanum, sum eisini vann greipuna.
Gurið Mortensen hevur í fleiri ár gingið á odda á vøllinum fyri VB, men fór eftir kappingarlok undir skurð og verður tí ikki fyrru hálvu av kappingini. Tó verður væntað, at Gurið Mortensen aftur verður at síggja á vøllinum um árskiftið, skrivar Suðurrás at enda.
Mynd: Gurið Mortensen(t.h) í dysti móti VÍF/Tjaldur í farna kappingarári.
