Gunnhild Persson er sett í starv sum aðalskrivari í Sinnisbata. Hon tók við starvinum 1. apríl 2022.
Gunnhild Persson er 27 ára gomul, býr í Tórshavn og er útbúgvin innan politikk og umsiting. Gunnhild hevur gott innlit í føroyskar áhugafelagsskapir og hevur fleiri ára royndir í nevndararbeiði. Hon hevur eitt breitt innlit í føroysk samfelagsviðuskifti og politisku skipanina.
Átta umsóknir komu inn til starvið sum aðalskrivari í Sinnisbata.
Gunnhild fer sum aðalskrivari í Sinnisbata at hava ábyrgd av dagligu umsitingini og samskipan av størri verkætlanum og tiltøkum, umframt átøkum og kunningararbeiði. Harafturat fer hon at arbeiða við limarøkt og fundraising.
