Gunnar Nielsen vardi málið hjá FH, ið vann seg í hálvfinaluna í íslendsku steypakappingina í kvøld.
FH spældi á útivølli móti Kordrengum, ið spælir í næstbestu fótbóltsdeildini.
Kordrengir løgdu seg á odda tvær ferðir fyrsta hálva tíman, men FH megnaði at svara aftur við einum reinum hattricki hjá Steven Lennon, og í steðginum var FH á odda 3-2,
Kristinn Freyr Sigurðsson økti til 4-2 til FH tíðliga í seinna hálvleiki, og eftir tað eydnaðist hjá FH at halda tætt.
Sigurin kemur væl við hjá FH, ið liggur triðaftast í bestu fótbóltsdeildini við bert 11 stigum, bert eitt stig omanfyri niðurflytingarstrikuna.
Kórdrengir 2 - 4 FH
1-0 Gunnlaugur Fannar Guðmundsson ('7)
1-1 Steven Lennon ('26)
2-1 Sverrir Páll Hjaltested ('29)
2-2 Steven Lennon ('33, brotsspark)
2-3 Steven Lennon ('42)
2-4 Kristinn Freyr Sigurðsson ('54)
Komandi hóskvøld spæla Hallur Hansson og liðfelagarnir í KR fjórðingsfinalu móti Víkingi á útivølli. So er at vóna, at tvey føroyingalið vera at finna í hálvfinalunum.
