Gunnar Nielsen “lék mjög vel í marki FH”

Valur er greitt oddalið í bestu deildini í Íslandi, meðan FH nú er fremsti avbjóðarin, eftir at úrslitini lagaðu seg til fyrimuns fyri Gunnar Nielsen og hansara menn. Morgunblaðið nevnir serliga Gunnar Nielsen í 4-1 sigrinum á Fylkir.

Heimir Guðjónsson er í holt við eitt gott kappingarár í Vali. FM-vinnandi venjarin við HB í 2018, hevði Kaj Leo í Bartalsstovu á vøllinum allan dystin, tá Valur í gjár vann heili 5-1 á útivølli móti Stjarnuni, sum er ein av avbjóðarunum til íslendska meistaraheitið. Sermerkt við dystinum er, at tað var 5-0 í hálvleikinum.

Nú er fremsti avbjóðari FH og Gunnar Nielsen. Teir vunnu somuleiðis ein góðan sigur á útivølli. FH vann 4-1 á Fylkir, sum liggur miðskeiðis á stigatalvuni. Her kom FH ikki á odda fyrr enn í seinna hálvleiki, men tá fyrst kom hol á, so gekk skjótt. Morgunblaðið skrivar at føroyski málverjin

- Gunn­ar Niel­sen lék mjög vel í marki FH og það get­ur virkað sér­stakt að nefna það sér­stak­lega þegar lið vinn­ur 4:1. En það á al­veg við í þessu til­felli, skrivar Morgunblaðið.

Tað kann umsetast til, at Gunnar Nielsen spældi avbera væl í málinum hjá FH, sjálvt um tað kann ljóða eitt sindur serstakt, tá liðið vinnur 4-1, men tað var støða hesaferð.