Tað nærkast summarfrítíð frá landskappingini.
Seinnapartin vera fýra dystir í fjúrtanda umfari. Harvið verður kappingin meiri enn hálvrunnin.
Fríggjakvøldið verður punktum sett undan summarsteðginum.
Í aðru viku fara fleiri av feløgunum at spæla í europeisku kappingini, meðan onnur fara at halda frí, áðrenn tað verður farið undir fyrireikingarnar til heysthálvuna.
Í dag er fokus fyrst og fremst á grannauppgerðini í Gundadali, har HB og B36, sum mikukvøldið spældu seg í finaluna um løgmanssteypið, bresta saman.
Suðringar, sum mikukvøldið vórðu varpaðir úr steypakappingini, fáa vitjan av KÍ. Klaksvíkingar mistu møguleikan at vinna steypakappingina í ár, tá ið teir flaggdagin og í fyrsta umfari taptu 2-1 við Stórá í Trongisvági.
Á Skála verður AB, sum mikukvøldið misti møguleikan at spæla finalu í steypakappingini, gestur.
07 Vestur vitjar EB/Streym í Hólmanum á Eiði.
Í gjárkvøldið vann Víkingur 2-1 á eystanstevnu við Løkin í Runavík.
EB/Streymur – 07 Vestur: Eiler Rasmussen kl. 15.00
Skála – AB: Rúni Gaardbo kl. 15.00
HB – B36: Dagfinn Forná kl. 15.00
Suðringar – KÍ: Kári J. á Høvdanum kl. 14.30
HB | 13 | 11 | 1 | 1 | 25 | 8 | 34 |
KÍ | 13 | 9 | 2 | 2 | 25 | 12 | 29 |
NSÍ | 14 | 8 | 2 | 4 | 31 | 14 | 26 |
B36 | 13 | 8 | 1 | 4 | 27 | 17 | 25 |
Víkingur | 14 | 7 | 2 | 5 | 22 | 18 | 23 |
EB/Streymur | 13 | 3 | 5 | 5 | 15 | 16 | 14 |
Skála | 13 | 4 | 2 | 7 | 11 | 19 | 14 |
Suðringar | 13 | 3 | 2 | 8 | 11 | 22 | 11 |
AB | 13 | 2 | 2 | 9 | 7 | 26 | 8 |
07 Vestur | 13 | 1 | 1 | 11 | 12 | 36 | 4 |
