Mánadagin tann 13. oktobur fingu Tóra við Keldu og Eyðstein Elttør eina dóttir. Hon eitur Bjørt, vigaði 3200 gramm og var 49 sentimetur long.
Longu sum 12 ára gomul luttók Tóra í altjóða svimjikappingum fyri brekað, og hevur tað gjøgnum árini eydnast henni at vunnið útvið 100 heiðursmerki.
Tað er ikki fyri einki, at hon fekk so góð úrslit, tí í nógv ár fór hon upp hvønn einasta morgun fyri skúlatíð at venja.
Tá Tóra hevði tikið studentsprógv var hon í Onglandi eitt skifti. Heimafturkomin fór hon á læraraskúla, og starvast hon nú sum lærari í skúlanum við Ósánna.
Ein av teimum, hon hevur ferðast til uttanlands kappingar saman við, er Katrin D. Johansen, sum eisini hevur vunnið fleiri heiðursmerki. Fyri stuttum fekk Katrin ein son, hann eitur Bjartur.
Tað kundi sæð út til, at hesar báðar vinnaragenturnar hava lagt saman ráð fyri at gera nakað heilt serstakt burturúr ?Ári teirra brekaðu?.
