Seinnapartin í gjár kom Brimil á Fuglafjørð við garnabátinum Gudrun.
Gudrun hevði fingið um skrúvuna, meðan teir fiskaðu norðanfyri.
Tá ið skipini vóru komin at bryggju fóru kavarar frá Brimli niður at skera av skrúvuni á Gudrun.
Gudrun fiskar við havtaskugørnum undir Føroyum, skipið er bygt í Esbjerg í 1964 og er heimahoyrandi í Klaksvík, sigur Vørn í tíðindaskrivi í morgun.
Myndina hevur Dávur Joensen tikið fyri Vørn.
