Fleiri túsund børn senda hvørt ár til jóla bræv við gávuynskunum til Grønlnads, tí har býr jólamaðurin, halda fleiri.
Altjóða er tó ósemja um hetta, og nøkur halda, at hann í veruleikanum eigur at búgva á Norðpólinum, í Turkalandi ella í Russlandi.
Finnar eru tó ikki í iva um, hvaðani hann er. Jólamaðurin er teirra, og hann hoyrir heima í Laplandi.
Har ber til at vitja býin »Santa Claus Village«, sum er ein undirhaldsgarður við handlum og matstovum.
Í Grønlandi geva tey upp í stríðnum um at vera heimlandið hjá jólamanninum. Tað segði Lykke Geislar Yakaboylu, stjóri í Visti Greenalnd, leygardagin við DR.
– Hetta sirkusið, sum finnar hava, kunnu vit ikki kappast við. Finnland má fegið fáa jólamannin fyri okkara skuld, segði hon.
/ritzau/
