David Geza Turi sat á beinkinum allan dystin, tá nummar sjey í League Two, Grimsby spældi dyst á útivølli ímóti nummar átta, Crewe Alexandra.
Hevði Grimsby vunnið dystin høvdu teir veruliga lagt sjógv millum seg og Crewe, men soleiðis gekk ikki. Heimaliðið vann dystin 2-0, og nú er Crewe bert eitt stig aftanfyri Grimsby á stigatalvuni.
Grimsby er á sjeynda plássinum við 62 stigum. Crewe er á áttanda plássinum við 61 stigum. Liðið sum endar á sjeynda plássinum sleppur at spæla um uppflyting. Liðið sum endar á áttanda plássinum stendur eftir við ongum.
Hetta er annar dysturin á rað síðani landsliðssteðgin, at David Geza Turi ikki sleppur upp í part hjá Grimsby.
