Týski kanslarin, Angela Merkel, segði í dag, at Grikkaland fær ikki meiri pengar frá ES og Altjóða Gjaldoyragrunninum enn teir, sum landið hevur fingið tilsøgn um.
Merkel segði, at tað var sera týdningarmikið, at grikska tjóðartingið hevur góðtikið sparitiltøkini, sum skulu setast í verk, fyuri at landið kann fáa hjálparpakkan frá ES og IMF. Í pakkanum eru 130 milliardir evrur, og innihaldið verður ikki broytt, segði hon.
Tað hevur annars ljóðað í summum fjølmiðlum, at 15 milliardir evrur kundu koma í pakkan afturat, men sambært týska kanslaranum er tað ikki so.
