Ófriðurin í Grikkalandi kravdi trý mannalív í dag, og fleiri fólk fingu skaða. Í kvøld royndi landsins forseti, Carolos Papoulias, at sissa fólkið Forsetin legði ikki fingrarnar ímillum, men segði bart út, at tað skuldartyngda Grikkaland er komið út á eggina.
-Vit hava øll skyldu til at ansa eftir, at vit ikki taka tað seinasta stigið út í tómleikan, segði hann.
-Eingin hevur rætt til at brúka harðskap og serliga ikki harðskap, sum kostar mannalív, segði grikski forsetini í boðskapinum til sínar landsmenn í kvøld.
