Italski venjarin hjá Grikkalandi er ein kroystur maður. Grikkaland kom úr styrkibólki eitt og er tí á pappírinum sterkasta liðið í bólkinum. Aftaná tríggjar dystir hava teir bara eitt stig at vísa á.
- Ongin hevði væntað, at vit bara skuldu hava eitt sitg aftaná tríggjar dystir. Vit mugu byrja á nýggjum og vísa okkara styrki. Allir spælarar mugu geva seg 120 prosent, sigur Claudio Ranieri.
Grikkaland hevur tapt báðar undanfarnu heimadystirnar móti Rumenia og Norðurírlandi. Einsamalla stigi kom móti Finnlandi á útivølli.
Claudio Ranieri hevur eisini fleiri skaðar í hópinum. Sokratis Papastathopoulos, José Holebas, Kyriakos Papadopoulos og Dimitris Salpingidis eru allir skaddir, meðan Vasilis Torosidis mátti gevast til venjing við snuddi í øklinum.
Væntandi verða um 15.000 áskoðarar til dystin í Athen í kvøld.
EM 2016 – Bólkur F:
Í dag
Grikkaland – Føroyar (19.45)
Ungarn – Finnland (19.45)
Rumenia – Norðurírland (19.45)
Støðan:
1. Norðurírland 9
2. Rumenia 7
3. Finnland 4
4. Ungarn 4
5. Frikkaland 1
6. Føroyar 0
