Fólk hjá umhvørvisverndarfelagsskapinum Greenpeace stongdu í morgun fleiri bensinstøðir hjá oljufelagnum BP í miðbýnum í London. Felagsskapurin sigur, at tað eydnaðist at lata 46 bensinstøðir aftur, men BP vil vera við, at talan var um 20 støðir, og at tær vórðu latnar aftur av trygdarávum.
BP sigur, at støðirnar lata uppaftur, tá trygdin er í lagi.
Greenpeace hevur funnist harðliga at BP í sambandi við oljulekan í Meksikoflógvanum, og felagsskapurin sigur seg vóna, at tann komandi stjórin í BP, Bob Dudley, fer at reka ein grønari orkupolitikk enn Tony Hayward, sum fer frá í heyst.
