Tá ið vit fingu orðið á Niels Christian Holmstrøm í hálvleikssteðginum, var hann als ikki nøgdur við avrikið hjá danska liðnum fyri steðgin. Hann helt, at hóast donsku leikararnir skuldu venja seg við at leika á graslíki, so eiga teir at verða so mikið stinnir, at teir eiga at basa einum liðið sum KÍ, hóast teir ikki fáa nakað forerandi frá klaksvíkingum.
Ikki óvæntað støði
Ítróttarstjórin í FC Keypmannahavn segði í hálvleikssteðginum, at KÍ hevði spælt rættuliga væl, og at klaksvíkingar høvdu verið nær við at gjørt fleiri enn tað eina málið. Niels Christian Holmstrøm rósti klaksvíkingum fyri góðan stríðsvilja, men hann helt tó ikki, at støðið var hægri enn væntað, hóast tað kundi tykjast sum um, at FC Keypmannahavn hevði hug til at undirmeta KÍ.
Spurdur um tað var nakar leikari hjá KÍ, sum Niels Christian Holmstrøm serliga legði til merkis, svaraði ítróttarstjórin í FC Keypmannahavn, at tað vildi hann ikki gera nakrar viðmerkingar til enn, hóast onkur klaksvíkingur hevði gjørt tað rættuliga gott í fyrra hálvleiki eftir hansara tykki.
