Tað er stórur hondbóltsdagur í Havn í dag. Grannauppgerðir eru á skránni, men tað stendur nú ikki so nógv upp á spæl, sum tað onkuntíð hevur gjørt fyrr.
Kvinnuliðið hjá Kyndli er so gott sum í FM finaluni, meðan Neistin hinvegin so gott sum hevur mist FM finalu møguleikan. Neistin hevur tú ein gyltan møguleika at hevna tapið í steypafinaluni fyri júst Kyndli.
Hjá monnum stendur nógv upp á spæl hjá Kyndli, sum er í hørðum stríði við VÍF, StÍF og H71 um at koma í FM finaluna saman við KÍF, sum hevur munin í oddinum. Hóast Neistin byrjaði væl, so hava teir útspælt sín leiklut hesum kappingarárinum.
Kvinnur: Kyndil – Neistin (18:30)
Menn: Kyndil – Neistin (20:00)
