Fjórða umfar í Formulakappingini fer av bakkastokki um eina lítla løtu, og hetta umfarið borgar fyri fleiri spennandi dystum.
Bæði EB/Streymur og NSÍ eru ósigraði í landskappingini higartil í ár, men í dag hava bæði liðini ringar útidystir á skránni. Felagsliðið úr Sundalagnum skal Sands, har teir vitja hjá B71, sum hevur fingið góð úrslit í bæði Klaksvík og Gundadali seinastu dystirnar. Eisini NSÍ hevur ein ringan dyst í dag, tá teir vitja í Klaksvík hjá KÍ.
Í Gundadali verður eisini stórdystur á skránni, tá tey bæði havnarliðini, B36 og HB, bresta saman. Bæði hava brúk fyri øllum stigunum fyri ikki at missa ov nógv í mun til oddaliðini.
Ein dystur verður eisini á Skála, har botliðið, Skála, tekur ímóti AB, sum liggur á næstaftasta plássi. Harafturat tekur VB/Sumba ímóti GÍ vesturi á Eiðinum í Vági.
Fjórða umfar sær altso soleiðis út:
KÍ-NSÍ
B71-EB/Streymur
B36-HB
Skála-AB
VB/Sumba-GÍ
