Tórshavnar kommuna handaði í gjár eina grøna virðisløn í samband við Umhvørvisvikuna. Grøna virðislønin verður latin persóni ella stovni, sum á einhvønn hátt hevur gjørt nakað munagott, umhvørvinum at frama.
Í ár varð virðislønin handað einum gomlum kenningi. Defined Energy hevur fingið nógv uppmerksemi seinastu árini fyri hitavekslaraskipanina í svimjihøllini í Gundadali. Skipanin er ein orkusparandi skipan, sum kann endurnýta hitan í spillvatni til upphiting. Heri Schwartz Jacobsen er uppfinnari og mennari av skipanini.
Tórshavnar kommuna hevur ognað sær hesa skipan til svimjihøllina í Gundadali, har hitin frá brúsuvatninum verður nýttur til at hita kalda vatnið. Hetta er eitt sera gott hugskot, tí við hesi orkusparandi loysn verður minni av olju brúkt til upphiting - og harvið minkar CO2-útlátið hjá svimjihøllini munandi.
Skipanin sparir svimjihøllini eini 27.000 litrar av olju um árið.
Les eisini Sparir 27.000 litrar av olju árliga
