Klokkan er við at verða hálvgum nýggju á Amagerstrand, og Eyðun er júst farin av lítla pallinum á MíttLand.
Hóast sólin er farin niður er veðrið av tí allar besta, og mett verður at tað eru um 1000 fólk higartil á MíttLand, og fleiri leggjast afturat so við og við.
Tað hevur mest verið tilkomin fólk og barnafamiljur á festivalinum í dag, men nú eru tað nógv mest ung fólki, ið er savnaður á festivaløkinum.
Ímeðan Eyðun hevur sungið síni kendastu løg, merktist væl at lagi var av tí allar besta. Festivalgestirnir sungu so væl við til framførsluna hjá Eyðun, at tað hoyrdist allan vegin niðan til Park Inn hotel, ið liggur við metro st á Femøren, tá ið Eyðun sang sangin Minnist tú gildið hjá Frændur.
Hvørja løtu er tað Hallur Joensen, ið saman við Kristinu Bærendsen, Magna Christiansen og Evi Tausen ið framførur á stóra pallið.
