Soleiðis segði Bergtóra Høgnadóttir Joensen, tingkvinna fyri Tjóðveldi, í Eygsjón í gjár. Fyri einaferðskuld hoyrdu vit eitt av fólkavaldu umboðunum á tingi nevna hetta, sum fleiri halda vera órímiligt, at politikarar skulu hava serstøðu at skava sær saman til feita almenna pensjón upp á nøkur fá ár.
Hetta er ikki bara kent í Føroyum, hetta er eitt fyribrigdi, sum eyðkennir politikarar í fleiri londum. Tað verður so ofta sagt, at makt korrumperar, og nakað nógv er um tað, tí tað eru altíð tey, sum sjálvi ráða fyri egnum viðurskiftum, sum skava mest til sín sjálvs. Tá talan er um virkiseigarar, so er kanska ikki so nógv at siga um tað – uttan tað, sum vit kunnu halda og meina. Men politikarar eru fólksins tænarar, tað gloyma teir bara so skjótt, og tí hava teir kraddað sær slíkar ágóðar, sum til dømis feita almenna pensjón upp á nøkur fá ár.
Vit taka hattin av fyri tí politikara, sum klárar at reisa hetta málið á tingi, so drív á Bergtóra!
