Tá Ågot fór av fiskileið og sigldi móti Noregi, fingu teir okkurt smávegis maskinbrek, og vórðu tí noyddir at biðja um sleip.
Tað skrivar Fiskiveiðieftirlitið á heimasíðu síni.
Ågot var tá staddur einar 120 fjórðingar úr Føroyum, og Brimil er nú á veg á staðið at geva klaksvíksbátinum sleip.
Reiðaríið sigur, at Ågot hevur 82 tons av frystum fiski, sum svarar til umleið 200.000 pund av feskum.
Roknað verður við, at Brimil verður í Noregi við Ågot einaferð í nátt, og reiðaríið væntar, at brekið kann umvælast skjótt, so skipið sleppur til fiskiskap aftur.
