Tað gongur væl hjá danska reiðarínum J. Lauritzen, sum fleiri føroyingar sigla við.
Nýggj tøl frá felagnum vísa, at raksturin fyrra hálvár gav 102 milliónir dollarar í avlopi samanborið við 4,2 milliónir dollarar fyrra hálvár í fjør.
Inntøkurnar teir fyrstu seks mánaðirnar í ár vóru 383,8 milliónir dollarar ímóti 252,7 milliónum dollarum fyrra hálvár í 2009.
J. Lauritzen hevur góðar vónir um tað, sum er eftir av árinum. Leiðslan væntar, at eftirspurningurin eftir flutningi á sjónum verður stórur seinna hálvár, og við ávísum fyrivarni væntar leiðslan, at avlopið fyri árið í ár verður góðar 120 milliónir dollarar.
