Tað endaði sera væl hjá føroyska veteranlandsliðnum í "Five a side" innandura fótbólti í Lerdalsøyri í Sogn og Fjordane í Noregi.
Fjórða og seinasta dystin vunnu gomlu landsliðshetjurnar stórsigur 7-2 á Íslandi.
Julian Johnsson skoraði tvey mál. Todi Jónsson, Jákup á Borg, Kurt Mørkøre, Allan Mørkøre og Christian Høgni Jacobsen skoraðu hvør sítt mál.
Føroyar vunnu eisini 4-3 á Finnlandi, men taptu 3-5 móti Danmark og 2-6 móti Noregi.
Føroyar endaðu á einum heiðurligum triðja plássi í kappingini.
Danmark vann 5-3 á Noreg í tí avgerandi dystinum um fyrsta plássið.
Endaliga støðan:
| Lið | D | V | J | T | Mál | Stig |
|---|---|---|---|---|---|---|
| Danmark | 4 | 4 | 0 | 0 | 10 | 12 |
| Noreg | 4 | 3 | 0 | 1 | 9 | 9 |
| Føroyar | 4 | 2 | 0 | 2 | 0 | 6 |
| Ísland | 4 | 1 | 0 | 3 | -6 | 3 |
| Finnland | 4 | 0 | 0 | 4 | -13 | 0 |
